PËR NE
Komiteti Olimpik Maqedonas është anëtari i 195-të i Komitetit Olimpik Ndërkombëtar. Kryetar i tij është Daniel Dimevski, sekretar i përgjithshëm dr. Sasho Popovski ndërsa drejtor sportiv Vladimir Bogoevski.
Komiteti Olimpik Maqedonas e ushtron aktivitetin e tij përmes 16 organeve dhe trupave, ndër të cilat janë Kuvendi dhe Bordi drejtues. Me qëllim të përhapjes së olimpizmit janë vendosur disa manifestime tradicionale, si: Ditët Olimpike (dimërore dhe verore), Orët Olimpike, Dita Olimpike, Pikniku Olimpik e të tjera. Komiteti Olimpik Maqedonas inicion dhe mbështet disa ngjarje me karakter sportiv, kulturor ose humanitar.
QËLLIMET THEMELORE TË
KOM
LOJËRAT OLIMPIKE
Përveç pjesëmarrjes në Lojërat Olimpike Verore dhe Dimërore dhe në Lojërat Evropiane (EI Baku 2015), KOM organizon edhe paraqitjet e sportistëve të rinj maqedonas në Lojërat Olimpike për të Rinj (LOR). Të përkujtojmë, LOR i parë veror u mbajt në Singapor më 2010. LOR i dytë veror u mbajt në Nanjing (Kinë) më 2014, dhe LOR i parë dimëror u mbajt në Innsbruck (Austri).
Komiteti Olimpik Maqedonas është anëtar i plotë i Komitetit Ndërkombëtar të Lojërave Mesdhetare dhe në bazë të këtij privilegji dhe detyrimi, sportistët tanë më të mirë morën pjesë në Lojërat Mesdhetare në Mersin (Republika e Turqisë), ku fituan 1 (një) medalje të argjendtë dhe 4 (katër) medalje të bronztë.
Në vitin 2002, ishte nikoqir i garës së tretë të Shpresave Olimpike nga Ballkani. Pjesëmarrja e parë e sportistëve nga Maqedonia në Lojërat Olimpike Verore është e lidhur me kontinentin australian, gjegjësisht në Melburn më 1956. Në Lojërat Olimpike të Barcelonës të vitit 1992, atletët maqedonas performuan me statusin e pjesëmarrësve të pavarur, sepse KOM ende nuk ishte pranuar si anëtare e plotë e KON-it, prandaj LOV Atlanta 1996 është Olimpiada e parë e tyre nën flamurin e Republikës së Maqedonisë. Sa i përket Lojërave Olimpike Dimërore, pjesëmarrja e parë e ekipit olimpik maqedonas është e lidhur me Nagano 1998.
FITUESIT E MEDALJEVE
Sportistët maqedonas kanë fituar 2 medalje olimpike në Lojërat Olimpike Verore: argjendi dhe bronzi. Në kuadër të RSFJ-së janë fituar edhe 2 medalje të arta, 5 argjendi dhe 6 të bronzta. Pjesa më e madhe e fituesve të medaljeve janë anëtarë të “Klubit të Titanëve” të KOM-it, që është një nder i veçantë për çdo sportist dhe punonjës në fushën e sportit në vendin tonë. Deri më tani 17 sportistë dhe ekspertë sportivë kanë plotësuar kriteret rigoroze. Çdo anëtar i "Klubit të Titanëve" merr një statujë, një unazë ari dhe një distinktiv.
Komiteti Olimpik Maqedonas ka vendosur edhe dekorata të tjera, duke përfshirë Kartën e KOM-it dhe Yllin Olimpik. Karta e KOM-it për merita të veçanta për zhvillimin e olimpizmit dhe sportit i është dhënë Juan Antonio Samaranch, ndërsa bartësi i parë i Yllit Olimpik është Michel Platini.