Покрај учеството на летните и зимските Олимписки игри и Европските игри (ЕИ Баку 2015), МОК ги организира и настапите на младите македонски спортисти на Младинските олимписки игри (МОИ). Да потсетиме, првите летни МОИ се одржаа во Сингапур 2010. Вторите летни МОИ се одржаа во Нанџинг (Кина) во 2014, а првите зимски МОИ се одржаа во Инсбрук (Австрија).

Македонскиот Олимписки Kомитет е полноправен член и на Меѓународниот комитет на Медитеранските игри и врз основа на оваа привилегија и обврска, нашите најдобри спортисти учествуваа на Медитеранските игри во Мерсин (Република Турција), каде што освоија 1 (еден) сребрен и 4 (четири) бронзени медали.

Во 2002 година беше и домаќин на третиот натпревар на Олимписките надежи од Балканот. Првото учество на спортисти од Македонија на летните олимпијади е врзано за австралиското копно, односно во Мелбурн 1956. На ОИ Барцелона 1992 година, македонските спортисти настапија со статус - независни учесници бидејќи МОК се уште не беше примен како полноправен член на ИОК, па оттука ЛОИ Атланта 1996 е првата нивна олимпијада под знамето на Република Македонија. Што се однесува до зимските олимписки игри, првото учество на македонскиот олимписки тим е врзано за Нагано 1998 година.