🤝 Денес официјално се потпиша Меморандум за соработка помеѓу Асоцијацијата за е-трговија на Македонија (АЕТМ), Алијансата за родова еднаквости и Македонскиот олимписки комитет! 🏅
Меморандумот го потпишаа Нина Ангеловска, Претседателка на АЕТМ и основач на Алијансата за родова еднаквост на работното место, и Даниел Димевски, Претседател на Македонскиот олимписки комитет.
Оваа соработка претставува важен чекор кон поврзување на е-трговијата, дигиталната економија и спортот – со заедничка цел да се поттикне дигитална трансформација, зголемена видливост и одржлив развој на спортските организации преку современи е-комерц решенија.
💡 Главни цели на соработката:
✅ Развивање на заеднички активности и проекти за промоција на спортот и дигиталната економија;
✅ Поддршка на дигиталната трансформација на спортските организации и зголемување на нивната одржливост;
✅ Размена на искуства, знаења и ресурси меѓу спортот и секторот за е-трговија;
✅ Поттикнување на еднакви можности и инклузивност во рамките на секторот за е-трговија и спортските организации;
✅ Промовирање на женското лидерство и родовата еднаквост како двигатели на иновации, напредок и конкурентност.
Ова партнерство покажува како преку заедничка визија и соработка можеме да создадеме поинклузивна, дигитална и праведна иднина – каде што спортот и секторот за е-трговијата одат рака под рака кон подобро општество. 🌍💪