Минатата недела во Брисел се одржа финалната конференција од Еразмус проектот GAMES чија цел е зголемување на бројот на жени на раководни позиции во спортскиот сектор а истиот е предводен од канцеларијата на Европскиот Олимписки Комитет.
Во рамки на овој проект, Олимпискиот Комитет на Македонија подготви национален акциски план со кој се предвидува зголемување на бројот на жени во управниот одбор, во собранието како и во сите други работни тела во структурите на МОК, односно се гарантира минимум од 30 % од нивна застапеност и вклученост во спортските политики.
Силвија Митевска ги презентираше главните новости од имплементацијата на акцискиот план, како и следните чекори во однос на обезбедување на т.н. квоти и креирање на позитивна и инклузивна спортска клима за сите учесници.
Покрај квотите како составен дел од акцискиот план, МОК спроведува и серија на работилници и обуки за омоќување на девојки и жени со цел да придонесе кон градење на нивните капацитети за лидерство и ефективно и проактивно вклучување во спортскиот сектор.
Покрај конференцијата, тимотна МОК учествуваше и на обуки за креирање на безбеден спорт како и на работилници посветени на женското здравје во спортот, особено во делот на репродуктивното здравје.