Назад
Генералниот секретар на Меѓународниот Комитет на Медитеранските игри во посета на МОК

Генералниот секретар на Меѓународниот Комитет на Медитеранските Игри (МКМИ), г-дин Јаковос Филипусис му го додели Златниот Медитерански Венец на претседателот на МОК, Даниел Димевски за неговиот голем придонес во развојот на спортот на меѓународно ниво и посебно на Медитеранските игри како заменик Претседател на Маркетинг Комисијата на МКМИ. 

Овој момент претседателот Димевски го искористи да се заблагодари на МКМИ за досегашната поддршка и помош, но и да побара нови проекти за унапредување на македонскиот спорт, а за потребите на Националните спортски федерации. Генералниот секретар на МКМИ, Јаковос Филипусис даде силно ветување за зголемување на финансиската помош на МОК односно за македонските спортисти, посебно за оние кои учествувале и кои ќе учествуват на идните Медитерански игри. 

Исто така, помош е ветена и во учество на најдобрите македонски спортисти и Национални спортски федерации на соодветни тренинг кампови за високи спортски резултати во поединечни спортови каде би тренирале со најдобрите спортисти од Медитеранот, со посебен осврт на унапредување на знаењето на тренерскиот кадар и кадарот задолжен за здравјето на спортистите преку примена на најновите достигнувања во областа на спортската медицина.

IMG-20231227-WA0008