На Европскиот Универзитет МОК оддржа настан во рамките на проектот GAMES на тема “Родова еднаквост и застапеноста на жените на лидерски позиции во спортските организации” кој беше отворен од страна на Претседателот на МОК, Даниел Димевски.
Генералниот секретар, Сашо Поповски даде краток осврт за Обуки и семинари за стекнување на основни знаења од областа на спортската администрација и менаџмент кои се од круцијално значење за сите спортски работници.
Беше презентиран проектот GAMES, целите и анализите кои се произлезени од истражувањето спроведено во Македонскиот Олимписки комитет како и 9 Национални федерации членки на МОК за нивната структура и поставеност на истава тема.
Креиран е Водич за добри практики кој има за цел да биде прирачник за конкретни активности за промовирање на родовата еднаквост на лидерските позиции меѓу Европските национални олимписки комитети.
Националниот акциски план кој беше претходно усвоен на Собранието на МОК беше презентиран од страна на Силвија Митевска, Претседателка на Комисијата за родова еднаквост при МОК.
Беше водена родово балансирана панел дискусија од страна на Едина Муса, а како панелисти беа присутни Ленче Алексовска Величковска, Наташа Мешковска, Сашо Димитријоски и Мартин Стефановски.
#fundedbytheeuropeanunion
#gamesproject